МУЗЕІ
>
У г. Чашнікі ў 1991 годзе пачаў працаваць гістарычны музей.
Пастанова
бюро ЦК КПБ аб адкрыцці гістарычнага музея ў Чашніках
прынята 15 жніўня 1987 г. Пад музей было выдзелена адно са
старажытных памяшканняў – дом купца Гурэвіча, пабудаваны ў
пачатку
XX
ст.
Адкрыццё экспазіцыі музея адбылося ў сакавіку 1991 года і
выпала на перыяд адраджэння нацыянальнай самасвядомасці на
Беларусі, звароту да гістарычнага мінулага краіны, да мовы,
культуры, духоўнасці.
У музеі працуюць 4 чалавекі. Памяшканне музея падзяляецца на
6 залаў (ад старажытных часоў да нашых дзён). Ёсць
памяшканне, якое ў залежнасці ад функцыянальнай ролі носіць
назвы: выставачная зала, канферэнц-зала, клас для
правядзення ўрокаў-экскурсій для вучняў школ, кафэ для
сустрэч клуба і г.д.
У музеі распрацавана каля 50 тэм урокаў-экскурсій і
тэматычных экскурсій. Сярод іх “З сівой мінуўшчыны
Чашніччыны”, “Старажытныя крывіцкія княствы Лукомскае і
Чарэйскае”, “Мястэчка Чашнікі і яго гістарычнае мінулае”,
“Археалагічныя помнікі на тэрыторыі Чашніччыны”, “Нашы
славутыя землякі” і інш. Распрацаваны і праводзяцца
пешаходныя экскурсіі па г. Чашнікі: “Бярэзінская водная
сістэма”, “Радзіма старэйшага беларускага пісьменніка Янкі
Журбы”, “Спаса-Праабражэнская царква – помнік архітэктуры
позняга класіцызму”, “Абразы царквы” і інш. Цесная сувязь
існуе паміж музеем і школамі.
ЛІТАРАТУРА
1. Каваленка, Г. Тут жыве гісторыя / Г. Каваленка //
Чырвоны прамень. – 1997. – 1 лістап.
2. Міхно, У. Халодны подых мінуўшчыны / У. Міхно //
Чырвоны прамень. – 1998. – 13 студз.
3. Музей у Чашніках // Памяць
: гісторыка-дакументальная хроніка Чашніцкага раёна /
рэдкал. М.Ц. Дробыш [і інш.]. – Мн., 1997. - С. 469 - 471.
4. Чашніцкі гістарычны музей // Музеі Беларусі :
інфармацыя аб музеях сістэмы Міністэрства культуры РБ /
склад. А.Б. Сташкевіч. – Мн., 2001. – С. 142-143.
5. Чашніцкі гістарычны музей // Энцыклапедыя гісторыі
Беларусі : у 6 т. / рэдкал. Г.П. Пашкоў
[і
інш.].
– Мн., 2003. – Т. 6. Кн. 2. - С. 166.
6.
Жукова, Г. Там, где живёт история / Г.
Жукова // Чырвоны прамень. – 2005. – 15 лют.
7. Фёдорова, И. От предков через века / И. Фёдорова
// Чырвоны прамень. – 2004. – 11 снеж.
