|
АСВЕТА
>
Ва Ушацкім раёне працуюць 12 сярэдніх школ, некаторыя з
іх называюцца школы-дзіцячыя сады, адна з іх –
школа-інтэрнат (Вяркудская).
Самая значная, вялікая па колькасці вучняў – Ушацкая СШ,
дзе налічваецца 1135 вучняў.
У 1998 годзе была адкрыта новая сярэдняя школа ў вёсцы
Арэхаўна, якая на сённяшні дзень з’яўляецца “школай –
эталонам”. У Арэхаўскай СШ з першага дня яе існавання
працуе добра ўкамплектаваны камп’ютэрны клас. Праводзіцца
значная работа з вучнямі па ахове навакольнага асяроддзя
і прыродных рэсурсаў; у школе створаны цудоўны
“зялёны куток”, дзе растуць рэдкія расліны; ёсць свая
цяпліца, дзе вырошчваецца расада розных культур, свой
школьны агарод; наладжана цесная сувязь з мясцовым
лясніцтвам.
Настаўніцай гісторыі, энтузіястам музейнай
справы, створаны школьны музей, дзе прадстаўлены
прадметы беларускага нацыянальнага побыту і культуры
беларусаў, цікава аформлена экспазіцыя, прысвечаная
падзеям Вялікай Айчыннай вайны, воінам-землякам і партызанам;
прадстаўлены матэрыялы аб сённяшніх днях вёскі Арэхаўна
і яе людзях.
Куткі ваенна-патрыятычнай тэматыкі, прыродазнаўчыя куткі
створаны ў Касарской і Вялікадолецкай, Глыбачанскай і
Дубраўскай, Кубліцкай і Старасельскай, Мосарскай і
Вяркудскай сярэдніх школах.
Акрамя сярэдніх школ у раёне дзейнічаюць пяць базавых і
дзве пачатковыя школы.
У г. п. Ушачы працуюць тры дзіцячыя садкі, адзін дом
прытулку для дзяцей, не маючых бацькоў. У сельскай
мясцовасці дзейнічаюць пяць дзіцячых садкоў.
ЛІТАРАТУРА
1. Вяль, Л. Майстравітымі рукамі / Л. Вяль //
Патрыёт (Ушачы). – 2003. – 16 крас.
Пра выставу тэхнічнага і прыкладнога мастацтва
школьнікаў раёна.
2. Караленка, В. “Прэч непісьменнасць” / В.
Караленка // Патрыёт (Ушачы). – 2005. – 14 снеж.
3. Караленка, В. Самыя інтэлектуальныя / В.
Караленка // Патрыёт (Ушачы). – 2002. – 2 лістап.
4. Мурашкина,
В. Школа, где каждый ребенок на виду / В.
Мурашкина // Народнае слова. – 2003. – 13 снеж.
5. Народная
адукацыя
// Памяць : гісторыка-дакументальная хроніка Ушацкага
раёна / рэдкал. Г.К. Кісялёў [і інш.]. – Мн., 2003. –
С. 499-500.
6. Першыя крокі асветніцтва // Патрыёт (Ушачы). –
1999. – 30 крас.
7. Программа развития образования Ушачского
района на 2006-2010 годы // Патрыёт. – 2007. – 21 ліп.
8. Станоўчыя вынікі па асноўных напрамках //
Патрыёт (Ушачы). – 2006. – 12 крас.
9. Траццяк, І. Вось так працавалі настаўнікі ў далёкія 20-ыя гады
/ І. Траццяк // Патрыёт (Ушачы). – 1998. – 31 снеж.
10. Учреждения дошкольного образования
// Патрыёт (Ушачы). – 2007. – 16 мая.
|
