|
прырода
>
Віцебская
вобласць -
адзін з самых прыгожых рэгіёнаў Беларусі,
маляўнічы куток на карце Еўропы. Па непаўторнасці,
унікальнасці фауны і флоры, па багацці запаведных мясцін
цяжка знайсці ёй роўных. Ад блакітных азёр Браслаўшчыны
і сасновых бароў Расоншчыны да пойменных лугоў
Дубровеншчыны і льняных плантацый Аршаншчыны, ад дубраў
Пастаўшчыны да бярозавых лясоў Лёзненшчыны - на сотні
кіламетраў з поўначы на поўдзень, з захаду на ўсход
раскінулася Віцебшчына.
Прыдзвінне называюць краем блакітных азёр.
Па іх колькасці (каля 2,8 тыс.) і плошчы (79,3 тыс. га)
вобласць не мае роўных у Беларусі. Не толькі
вялікая колькасць азёр, але і шматлікія крыніцы,
балоты, ручаі, рачулкі, магутныя рэкі складаюць воднае
багацце краю.
У вобласці
зараз 1 запаведнік, 2 нацыянальныя паркі, 26 заказнікаў
рэспубліканскага і 62 - мясцовага значэння. Запаведнікі, заказнікі, паркі
захоўваюць воблік гістарычна склаўшыхся ландшафтаў
Прыдзвінскага краю, унікальныя прыродныя комплексы,
генетычны фонд расліннага і жывёльнага свету. Беражліва
ахоўваюцца векавыя дрэвы, магутныя валуны - сведкі
ледавіковага перыяду, крыніцы, якія б'юць крышталёвай
вадой, а таксама рэдкія месцы знаходжання рэліктавых
відаў фауны і флоры.
Геалагічная будова, карысныя выкапні, рэльеф
Водныя
рэсурсы
Раслінны і
жывёльны свет
заказнікі
|
